منتديات المقاودة ترحب بالجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات المقاودة ترحب بالجميع

أهلا وسهلا بك زائر في منــــــتدى أبناء المــقـــــاودة
 
الرئيسيةالرئيسية  البوابةالبوابة  أحدث الصورأحدث الصور  التسجيلالتسجيل  دخولدخول  

 

 قصيده ومعني(ماهو الفافنوس)

اذهب الى الأسفل 
كاتب الموضوعرسالة
أمير صالح
المـديـر العـــام
المـديـر العـــام
أمير صالح


ذكر
عدد الرسائل : 103
الجنسية : سوداني
رقم العضوية : 1
علم الدوله : قصيده ومعني(ماهو الفافنوس) Male_s15
المزاج : قصيده ومعني(ماهو الفافنوس) _54
المهنة : قصيده ومعني(ماهو الفافنوس) Unknow10
الهواية : قصيده ومعني(ماهو الفافنوس) Sports10
تاريخ التسجيل : 24/01/2009

قصيده ومعني(ماهو الفافنوس) Empty
مُساهمةموضوع: قصيده ومعني(ماهو الفافنوس)   قصيده ومعني(ماهو الفافنوس) Icon_minitimeالجمعة مايو 29, 2009 7:16 am

لحَّنها وغناها الاستاز عبد الكريم الكابلي

ما هو الفافنوس
ما هو القليد البوص
ود المك عريس خيلاً بجن عركوس (عرقوس)
أحي علي سيفو البجز الروس (البحد الروس)
ما دايرة لك الميتة أم رماداً شح
دايراك يوم لقا بي دميك تتوشح
الميت مسولب والعجاج يكتح
أحي علي سيفو البسوي التح

***
كوفيتك الخودة أم عصا بولاد
درعك في أم لهيب زي الشمس وقاد
سيفك من سقايتو استعجب الحداد
قارحك غير شكال ما بقربو الشداد
***
إن وردن بجيك في أول الواردات
مرناً مو نشيط إن قبلن شاردات
أسد بيشة المكربت قمزاتو متطابقات
وبرضع في ضرايع العنز الفارزات
***
يا بقة عقود السم
(يا جرعة عقود السم)
يا مقنع بنات جعل العزاز من جم
الخيل عركسن ما قال عدادن كم
فرتاك حافلن ملاي سروجن دم
( فرتاق حافلن ملاي سروجن دم
الرجوع الى أعلى الصفحة اذهب الى الأسفل
https://almaqawda.alafdal.net
أمير صالح
المـديـر العـــام
المـديـر العـــام
أمير صالح


ذكر
عدد الرسائل : 103
الجنسية : سوداني
رقم العضوية : 1
علم الدوله : قصيده ومعني(ماهو الفافنوس) Male_s15
المزاج : قصيده ومعني(ماهو الفافنوس) _54
المهنة : قصيده ومعني(ماهو الفافنوس) Unknow10
الهواية : قصيده ومعني(ماهو الفافنوس) Sports10
تاريخ التسجيل : 24/01/2009

قصيده ومعني(ماهو الفافنوس) Empty
مُساهمةموضوع: رد: قصيده ومعني(ماهو الفافنوس)   قصيده ومعني(ماهو الفافنوس) Icon_minitimeالجمعة مايو 29, 2009 7:27 am

طبعا زي ما وضحت فوق القصيده عباره عن مرثيه او مناحه
أولا نشوف معني الكلمات كمفردات
ماهو : طبعاد اداة نفي بي لهجتنا السودانيه
الفافنوس : نبات رخو بينمو علي ضفاف النيل
الغليد : يعني الكبير وهنا مقصود بيها السمين
والبوص : جمع بوصه وهي القصبه الجوفاء
العركوس : يعني التجمع والكثره
طبعا أحي كنايه علي الندم
البجز الروس: جز الشي يعني قطعه من أعلي
الميته: الموت
ام رمادا شح : يعني الموته الساهله البقومو النسوان يكبو الرماد في رؤوسهم
يوم لقا : كنايه عن الحرب
بي دميك تتوشح : مخضب بالدم يعني تموت في الحرب ماموته ساكت
كوفيتك : هي الكوفيه البتتلبس في الراس
الخوده : يقصد بيها الخوذه
بولاد : يقصد بها فولاذ
ام لهيب : الحرب
وردن : أي الخيل حضرن
مرنا : المقصود بيها بطئ
المكربت : عندنا في السودان يعني الجري ودايما بتتقال للحصان أو الحمار)
قمزاتو متطابقات : خطواتو متطابقه

طبعا هنا قالت انو اخوها ده ما زول رخو ولا زول سمين وسجمان زي قصب البوص فاضي من جوه البتتكسر بي سهوله بعد كده وضحت انو هو زول أمير وولد المك نمر طبعا للفخر وعريس خيل يعني فارس .


بعد كده جات قالت ليهو مادايره ليك الميته الساهله العاديه البيبكوك فيها النسوان ويخمو الرماد عل راسهم ودايراك تموت في ارض المعركه وانت مليان دم ومتوشح بي دمك


بعد كده جات للفخر وقالت في حالة الكر وورود الخيل بيكون هو أول المتقدمين في الصفوف وده طبعا دليل الشجاعه والاقدام اما في حالة الفر فبيكون هو آخر واحد وده البتقصدو بي مرنا مو نشيط ان قبلن شاردات وجات توصف الكوفيه اللابسها وقالت كأنه خوذه قويه من الفولاذ


والرع بتاعك في ام لهيب اي الحرب بيلمع مع الشمس


بعد كده جات وشبهتو بي جرعة السم المركز والبيقرب منو كلو بيموت طبعا من الاعداء


وانو هو الفارس والحارس لي كل بنات قبيلة الجعليين وهي القبيل المشهوره بالفروسيه ورفض الظلم و( ما بترضي بالحقاره ) ولمن الخيل والفرسان يخشو ميدان المعركه مابيهمو عددهم كم ولا عتادهم شنو من شجاعتو وبيقوم يخش في نصهم لمن يفرتق لمتهم دي وما كده وبس يملا سروجهم دم ودي كنايه عن انو بيقتل الفرسان والخيل دي بترجع بي سروج مليانه دم وبدون فرسان .
الرجوع الى أعلى الصفحة اذهب الى الأسفل
https://almaqawda.alafdal.net
 
قصيده ومعني(ماهو الفافنوس)
الرجوع الى أعلى الصفحة 
صفحة 1 من اصل 1
 مواضيع مماثلة
-
» ماهو الطب

صلاحيات هذا المنتدى:لاتستطيع الرد على المواضيع في هذا المنتدى
منتديات المقاودة ترحب بالجميع :: 
* سودانيــــــــــــــات *
 :: التراث الشعبي
-
انتقل الى: