منتديات المقاودة ترحب بالجميع

أهلا وسهلا بك زائر في منــــــتدى أبناء المــقـــــاودة
 
الرئيسيةالرئيسية  البوابةالبوابة  اليوميةاليومية  مكتبة الصورمكتبة الصور  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 الاستيكة

اذهب الى الأسفل 
كاتب الموضوعرسالة
أمير صالح
المـديـر العـــام
المـديـر العـــام
avatar

ذكر
عدد الرسائل : 103
الجنسية : سوداني
رقم العضوية : 1
علم الدوله :
المزاج :
المهنة :
الهواية :
تاريخ التسجيل : 24/01/2009

مُساهمةموضوع: الاستيكة   الجمعة يناير 30, 2009 12:34 am

الاستيكه
قال تسمح؟
و كيف يا الحلوة ما بسمح؟
أصابعي العشرة تكتب ليك
و قلبي أبقيه إستيكة
عشان بس للغلط يمسح
يذوب بين أصبعين حلوين
يتوه وسط السطور يسرح
و لمن تنتهي الكلمات
يخش الشنطة في منديل
و نمشي القهوة نتفسح
-------
و صار عاشق يطيع سحرك
يجيب الفانتا شان أمرك
تختي الشنطة في حكرك
وقلبي الدايش وسط منديلل
يسكلب ساي يقول يا ليل
و جوة الشنطة يتمرجح
و ترجعي تاني يا الحلوة
و أكون راجيك هناك مصلوب
أشوف الناس طشاش في طشاش
و أقرأ سطوري بالمقلوب
-------
تقعدي
و أعاين ليك.. تغمضي إنتي
تعايني لي.. أغمض أنا
و أعاين ليك.. تغمضي إنتي
تعايني لي.. أغمض أنا
نعيد الكرة من أول
و أعاين ليك.. تغمضي إنتي
تعايني لي.. أغمض أنا
و أعاين ليك.. تفري البسمة
تضوي سنة
-------
أحك راسي
و أبلع ريق
و أتنحنح
و أجر الكرسي لي قدام
و أرجعو تاااني و أتزحزح
و أقول للسمحة لو تسمح
ممكن كلمة في زاوية؟
تقول بسمح
-------
تقوم السمحة تتلمم
و تتبسم
و أنا أتراجف.. و أتخمخم
و أقوم أفرح
و أدق الجيك
و أطق روري
و أرمي الكرسي.. أوبس سوري
و أقع في الجنبي.. أوبس سوري
و أدقش الماشي.. أوبس سوري
و جنب السلم.. أوبس سوري
-------
هناك في الزاوية نتقعد
و أستغفر.. و أتشهد
و أشيل أنفاسي.. و أتنهد
و أقول ليكي
والله
و غايتو الزول
و الحاصل
و في الواقع
و ما عارف
هه ما قادر أقول ليكي
-------
تقول لي
هي يا دا
و فيها شنو
و معانا منو
و يخسي عليك
و قول يعني
هه ما تخجل.. و تتعقد
-------
أنا أتعقد؟؟؟
أجر الكرسي
أزيد الخمسة تدليكة
و أقول ليها
وبي صوتا ندي و رايع
يفيض رقة و موسيقى
من فضلك
و أترجاك
ترجعي لي الإستيكة

محمد احمد اسماعيل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://almaqawda.alafdal.net
 
الاستيكة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات المقاودة ترحب بالجميع :: 
* أدبيـــــــــــــــــــــات *
 :: حلمنتيش
-
انتقل الى: