المهمل المركون
الكبرت علي والفاض عن الحاجة
المنسي في الدولاب والجوه تلاجة
إلفي الزقاق مركون فردا وازواجا
الكرسي في الحمام البمبر المكسور
أو باقي........................ دراجة
والبي الهموم مسكون والأرض وإزعاجا
ما كان غدا حايكونللصابر الممكون
يسدو كم فرقة ويسدو كم حاجة
الناس اذا بالناس ما تقيفوا فراجة
خوفي المدن تنداس لو دونما احساس
اتعلت........................ ابراجا
كم من ولد لا أم لا بيت ولا حاجة
ياحليلو مابحلم مدرستوا مافتحت
قداموا........................ . ادراجا
لابحس بالعيد لو مر او ما جاء
بتوسد الطرقات والحمي سهراجه
لمن يراهو الجوع واللقمة محجاجة
هوج الرياح في الليل ساكيهو كرباجا
الجمرة تحت العين مابكرة نتفأجا
الغبن ذو الحدين والفتنة مذواجة
الواحد يبقي اتنين والستة افواجا
طقس التسامح ذين والشمس وهاجه
كل العشم ياريت تتفتح الاديان بيناتنا نفاجا
نتدفئ بالحسنى وبالسلم نتنأجا
مايبقي زول محتاج ماتبقي محتاجة.
إنا الفارقت أحبابي وانا العذبت اشواقي
وكل ما الدنيا تبسم ليّ الاقي الهم معاي باقي
وليش يادنيا مأساتي تبدأ معاي من صغري
تنسج ليّ خيوط الهم وهم لابسني عراقــــــي
***
عليك الخاطر المكسور عليك الجلسة وسط الدور
تراضيني وتجدّد فيّ مجري الدم عشان الفرحة تتراكم
عشان الوجعة تتلاشي عشان الفال يجيب الخير
عشان الدمعة وسط العين تجف وتنوم وما نهتم
عليك رحلاتنا والقعدات عليك الآهة والأنّات
عليك السجدة والصافات اسأل ياخي عن قلبي
موطن شوق قديم ما مات
بجسك في الحشا الملهوف وين نتلاقي مامعروف
خائف ياخي ما طوّل وخوفا منو زايد خوف
اه ياسيدي لو تسأل تلقي صداك جوة الجــــوف
اعذّب في القوافي معاي ويعجز نبضي يلقي حروف
اضوزن ديمة الحاني علي نغم الهوي المعزوف
واهمس ليك يا محمد كم في الغربة ياخي ظروف
***
وارجع تاني يا محمد عليك الدمعة في خد شيخ
عيونو إتوشحت ظلمات
عليك اللهفة يد زول اودع حلمو للشتلات
علّق في سما الاحلام يوم ماتلبس البلدات
خدارا يُذهب الحاجة تزوره جيوبو دينارات
الرئيسية 
البوابة 
التسجيل 
دخول 
موضوع: الشاعر محجوب شريف وبعض من رحيق 
الجمعة يناير 07, 2011 8:54 pm
