ونســـــــــــــة

خديجة نعم ياسعاد

ماسمعتي الشمار دة شنو يا سعاد , ناس امير صالح عملوا ليهم راكوبة مفتوحة من كل الجهات وكمان مرشوشة

ارح هناك كل النساوين ماشين يشربوا الجبنة .

خديجة سمح دقيقة بس اسبك حلتي واحصلكم .

*في الراكوبة *

خديجة صدقتي ياسعاد اريتا في بيتنا

محاسن ماسمعتي يا هويدا بت فاطمة ماطلقوها بعد البوبار داك كله اجي

هويدا ياسعاد نعم ارمي لينا الودع خليني اشوف راجلي الايام دي متغير والله ماعارفة الحاصل شنو ,حاضر

رحاب المثقفة اسمعا ياحروم هوي الكلام دة مابيجي الركوبة دي ماعملوها عشان القطيعة والنميمة وتعالوا نتكلم عن حاجات مفيدة

محاسن زي شنو يختي

رحاب عن بكيات الزمن دة بقت زي الاعراس ونسة وضحك ســـــاكت .

سعاد صح ولله ماتنسوا التياب بقت انواع واشكال (توب الربط والتوتل ).

هويدا ماشفتي الكحل والحناء والدخان كيف حتى المشي زي تقولي عارضات ازياء والقطيعة في الميت واهل الميت

رحاب وهناك زوجة المرحوم حزنانا وهي تقول في نفسها ياربي اربي اولادي ديل كيف والزمن صعب ياربي تسترني معاهم.

رحاب ليه انحنا مانقيف معاهم ونخلي عندنا حبت انسانية ,يمكن واحدة مننا تكون مكانة بكرا .

خديجة بجد كلامكم .خلاص من مكانا دة تعالوا ننشر الوعي في اخواتنا ونعمل لينا شئ نفتخر بيه قدام أنفسنا.

هويدا خلاص ولله أنحنا معاكم.

محاسن بكيتني الله يسامحكم الموضوع كبير وانحنا ماجايبئن لينا خبر .قومن ارح .

هههههههههههههههههه
فعلا والله ده الحاصل بالضبط في مجتمعاتنا الزمن ده وبيوت البكا بقت مافي فرق بينها وبين بيوت الاعراس
وياريت الناس تفطن للحته دي ويكونو واعين ليها
واسمممممممممممممممعن ياحروم
راكوبتي دي للونسه ما للقطيعة ولو لقيت وحده فيكن بتقطع فيها بكسسسسسسرها
هههههههههههه
ساره
شكرا ليكي ياستي

منتظرنك في الراكوبة يامير صالح الجبنة جاهزة

السلام عليكم
أها ياساره الليله انا جيت ماري بي هنا وانا ماشي علي جنينتي اللاتحت
عندي باقي مويه ماشي عليها بس بالحيل عجبتني ريحة جبنتك وهمبريب الراكوبه السمح ده
أها كبي لي فنجان اعدل بيهو راسي ده واقوم اشوف مويتي

هاك يا امير الجبنة بس انشاء الله تعجبك

وامشى شوف مويتك عشان القمح والفول والبصل والبطاطس ...الخ يتصدر بره وتصبح السودان بجد سلة غذاء العالم .

أهن يارحاب :بعد مانشرنا الوعي في أخواتنا وكلهن قالن معانا

الموضوع الجاي شنو ؟

الموضوع ياخواتي مهم خالص وكلنا ناسنو وما جايبين خبر

سعاد :هو شنو ؟

رحاب :القصة ياخواتي قصة جيل كله ناسين ربهم ومؤمنين بالدجالين الخاربين البلد وخالين الناس خواتم في يدهم من الجهل. والمشكلة انو فيهم متعلمين (دكاترة –مهندسين –وأساتذة-وغيره).

محاسن : أهن ياخواتي وأخواني الحل شنو؟؟؟

ياختي قاعدين لينا اكتر من اسبوع زول عبرنا مافي الحاصل شنو يارحاب

رحاب :ولله بجد حتى امير الكان لما عائز يسقي الزرع بيجي بالطريق دةما ظهر خالص ان شاء الله خير.

هويدة ارح خلاص نسال عنهم عشان الموضوع الطارحنو عائذ حل سريع .

سعاد : طوالي ياهويدة مستعجلة اصبر شوي نديهم تاني اسبوع يمكن يكونوا مشغولين .

محاسن ترانا صابرين ولكن كل يوم جبنتي بايرة .

رحاب : منتظرنكم تعالوا محتاجين تداخلكم معانا ياناس منتدى المقاودة ***

الرائعة ساره
أري بأن مشاركاتك قلت كثيرا عن بدايكِ الأكثر من جميله
فهل فترت عزيمتك أم هي استراحة محارب
ودي

شكر ا علي المرور امير صالح نعم هي استراحة محارب ينتظر باقي الجيش bom